Talaash -e- Ham Nafas

Meray sukh ka sathi kon bataa
Yeh dost, aziz aur jug saara.

Meray dukh ka sathi kon bhala,
Main dekhoon idher udher ab kiya.

Meri bari tamana ek he thi,
Koi dost melay, damsaz melay.

Wo meray jaisa no ho magar,
Meray saaz say us ka saz melay.

Men roun jo kabhi akelay men,
To us key dil per chot lagey.

Men tanha baith key bhi hansoon,
To us key man ka phool khiley.

Merey aur us key beech koi,
Ik dour bandhi ho naazuk si.

Uren sath khayal humarey yun,
Jaisay rang barangi si titli.

Usay hunstey dekh key dil mera,
Beqaabu ho ker naach uthey.

Wo dukh ka koi sans bherey,
To dil men meray hook uthey.

Is bhaari karam key badley main,
Mujhey koi saza bhi dey daataa.

Meeri aarzoon ko lamba ker,
Meri khawashen ker dey beybaha.

Mujhey dolat, taqat, izzat, rahat,
In sab ka faqat guman melay.

Mujhey aish na dey, araam na dey,
Her lamha ker day naam merey.

Koi bhari bharkam farz magar,
Mujhey aaqa ek inam melay.

Bus aisa ek hum nafas jo ho,
To aisa tera ghulam banoon,

Merey haath uthey hon terey liyey,
Men mujassam tera naam banoon.